Mat 9:32-34, 12:22, 24 | Ndebele | STEP | Kwathi ekuphumeni kwazo, khangela, baletha kuye umuntu oyisimungulu owayengenwe lidimoni;

‏ Matthew 9:32-34

32 Kwathi ekuphumeni kwazo, khangela, baletha kuye umuntu oyisimungulu ^a owayengenwe lidimoni; 33 kwathi idimoni selikhutshiwe, isimungulu sakhuluma; amaxuku asemangala, athi: Kakuzanga kubonwe okunje koIsrayeli ^b. 34 Kodwa abaFarisi bathi: Ukhupha amadimoni ngenkosi yamadimoni ^c.

‏ Matthew 12:22

Isono sokuhlambaza

22 Kwasekulethwa kuye ongenwe lidimoni, eyisiphofu lesimungulu; wasemsilisa, kwaze kwathi isiphofu esiyisimungulu sakhuluma njalo sabona ^d.

‏ Matthew 12:24

24 Kodwa abaFarisi sebezwile bathi: Lumuntu kakhuphi amadimoni, ngaphandle ngoBhelezebhule inkosi yamadimoni ^e.