Mat 20:17-19, Luk 18:31-34 | Ndebele | STEP | Kwathi uJesu esesenyukela eJerusalema wathatha abalitshumi lambili bebodwa endleleni, wathi kubo :

‏ Matthew 20:17-19

UJesu ukhuluma ngokuhlupheka kwakhe

17 Kwathi uJesu ^a esesenyukela eJerusalema wathatha abalitshumi lambili bebodwa endleleni, wathi kubo ^b: 18 Khangelani, senyukela eJerusalema ^c, njalo iNdodana yomuntu izanikelwa kubapristi abakhulu lakubabhali; besebeyilahlela ukufa ^d, 19 bayinikele ^e kwabezizwe ^f ukuze bayiyangise bayitshaye ngesiswepu bayibethele ^g; njalo ngosuku lwesithathu izabuya ivuke ^h.

‏ Luke 18:31-34

UJesu ukhuluma ngokuhlupheka kwakhe

31 Wasezithathela abalitshumi lambili, wathi kubo: Khangelani, senyukela eJerusalema ⁱ, futhi konke okulotshiweyo ngabaprofethi ngeNdodana yomuntu kuzagcwaliseka ^j. 32 Ngoba izanikelwa kwabezizwe, iyangiswe ^k, ithukwe ^l, ikhafulelwe ngamathe ^m, 33 bayitshaye ngesiswepu bayibulale; njalo ngosuku lwesithathu izabuya ivuke. 34 Kodwa bona kabaqedisisanga lutho ngalezizinto ⁿ, lalinkulumo yayifihlakele kubo, njalo kabaziqedisisanga izinto ezazitshiwo ^o.