Matthew 12:25-29
25Kodwa uJesu, eseyazi imicabango yabo, wathi kubo a: Wonke umbuso owehlukene umelene lawo ngokwawo uyachitheka; lawo wonke umuzi kumbe indlu eyehlukene imelene layo ngokwayo ingeze yema. 26Njalo uba uSathane ekhupha uSathane, wehlukene emelene laye ngokwakhe; pho umbuso wakhe uzakuma njani b? 27Futhi uba mina ngikhupha amadimoni ngoBhelezebhule, amadodana enu akhupha ngobani? Ngakho wona azakuba ngabagwebi benu c. 28Kodwa uba mina ngikhupha amadimoni ngoMoya kaNkulunkulu, umbuso kaNkulunkulu usufikile kini d. 29Kumbe umuntu angangena njani endlini yesiqhwaga aphange impahla yaso, ngaphandle kokuthi asibophe kuqala isiqhwaga e? Abesephanga-ke indlu yaso f. Mark 3:23-27
23Wasebabizela kuye, wathi kubo ngemifanekiso: USathane angakhupha njani uSathane? 24Futhi uba umbuso wehlukene umelene lawo ngokwawo, lowombuso ungeme. 25Lendlu uba yehlukene imelana layo ngokwayo, leyondlu ingeme. 26LoSathane uba ezivukela yena, ahlukane, angeme, kodwa uyaphela. 27Kakho ongangena endlini yesiqhwaga, aphange impahla yaso, uba engasibophi isiqhwaga kuqala, abesephanga indlu yaso g.
Copyright information for
Ndebele