Luke 12:22-31
Ukukhathazeka, lokuthemba kuNkulunkulu
22Wasesithi kubafundi bakhe: Ngakho ngithi kini: Lingakhathaleli impilo yenu, ukuthi lizakudlani; loba umzimba, ukuthi lizakwembathani. 23Impilo yedlula ukudla, lomzimba isembatho a. 24Qaphelisisani amawabayi, ukuthi kawahlanyeli, njalo kawavuni b, kawalasiphala c loba isilulu d, kanti uNkulunkulu uyawondla; lina lizedlula kangakanani e inyoni? 25Njalo nguwuphi kini ongathi ngokuphiseka engezelele ingalo ibenye f ebudeni bakhe g? 26Ngakho nxa lingelamandla okwenza into encinyane, liphisekelani ngokunye? 27Qaphelisani imiduze ukuthi ikhula njani; kayitshikatshiki, kayiphothi, kodwa ngithi kini: LoSolomoni ebucwazicwazini bakhe bonke wayengembathiswanga njengomunye wayo. 28Njalo uba uNkulunkulu esembathisa ngokunjalo utshani obukhona lamuhla egangeni, kuthi kusasa buphoswa eziko, uzalembathisa ngokukhulu kangakanani, lina abokholo oluncinyane h? 29Lani-ke lingadingi elizakudla lelizakunatha; njalo lingakhathazeki. 30Ngoba konke lokhu izizwe zomhlaba ziyakudinga; kodwa uYihlo uyazi ukuthi liyaziswela lezizinto. 31Kodwa dingani umbuso kaNkulunkulu, njalo zonke lezizinto zizakwengezelelwa kini.
Copyright information for
Ndebele