Job 38:4-7, Psa 104:3, 5-6, Isa 40:12-15 | Ndebele | STEP | Wawungaphi lapho ngimisa izisekelo zomhlaba ? Tshono uba usazi ukuqedisisa.

‏ Job 38:4-7

4 Wawungaphi ^a lapho ngimisa izisekelo zomhlaba ^b? Tshono uba usazi ukuqedisisa. 5 Ngubani owabeka izilinganiso zawo ^c, uba ukwazi? Kumbe ngubani owelulela intambo yokulinganisa phezu kwawo ^d? 6 Izisekelo zawo zamiswa phezu kwani? Kumbe ngubani owabeka ilitshe lawo lengonsi ^e, 7 lapho inkanyezi zokusa ^f zahlabela kanyekanye ^g, lamadodana wonke kaNkulunkulu ^h amemeza ngenjabulo ⁱ?

‏ Psalms 104:3

3 Owabeka imijabo ^j yamakamelo akhe ^k aphezulu emanzini ^l, owenza amayezi abe yinqola yakhe ^m, ohamba phezu kwempiko zomoya ⁿ.

‏ Psalms 104:5-6

5 Wamisa umhlaba phezu kwezisekelo zawo ^o, kawuyikuzanyazanyiswa phakade laphakade ^p.

6 Wawugubuzela ngokujula njengesembatho; amanzi ema phezu kwezintaba ^q.

‏ Isaiah 40:12-15

Ngubani onjengoNkulunkulu?

12 Ngubani olinganise amanzi ^r entendeni yesandla sakhe, walinganisa amazulu ^s ngeminwe eyeluliweyo, wahlanganisa uthuli lomhlaba esilinganisweni, walinganisa izintaba ngesikali ^t, lamaqaqa ngesilinganiso ^u? 13 Ngubani ^v oqondise uMoya weNkosi ^w, kumbe wamfundisa engumeluleki wakhe? 14 Yelulekane lobani, owayenza yaqedisisa, wayifundisa endleleni yesahlulelo, wayifundisa ulwazi ^x, wayazisa indlela yokuqedisisa? 15 Khangela, izizwe zinjengethonsi lenkonxa, zibalwa njengothuli lwesikali. Khangela, uphakamisa izihlenge ^y njengento encinyane kakhulu ^z.