a28:14, 39:2-7
b25:4, 28:6,8,15,39
c26:1,31, 28:15
d25:4, 28:6,8,15,39
i28:22,24,25, 39:15
j28:28, 39:8-21
l25:4, 28:6,8,15,39
rLevi 8:8; Nani 27:21; Dute 33:8; 1 Sam 28:6; Ezra 2:63; Neh 7:65; Levi 8:8; Nani 27:21; Dute 33:8; 1 Sam 28:6; Ezra 2:63; Neh 7:65; 1 Sam 23:9, 30:7
t28:37, 39:22-31:28:4
Exodus 28:6-35
6Besebesenza i-efodi ngegolide a, okuluhlaza okwesibhakabhaka b, lokuyibubende, okubomvu, lelembu elicolekileyo lentambo ephothiweyo, umsebenzi wengcitshi c. 7Sizakuba lezichibi ezimbili zamahlombe, zihlangane emaceleni aso womabili, ukuze sihlanganiswe. 8Ibhanti elelukwe ngobungcitshi le-efodi lakhe, elikuye, lizakuba njengomsebenzi walo, liyinto yinye, ngegolide, okuluhlaza okwesibhakabhaka d, lokuyibubende, lokubomvu, lelembu elicolekileyo lentambo ephothiweyo. 9Njalo uzathatha amatshe amabili ama-onikse* e, ubaze kuwo amabizo amadodana kaIsrayeli, 10ayisithupha kumabizo awo phezu kwelinye ilitshe, lamabizo ayisithupha aseleyo phezu kwelinye ilitshe, njengokuzalwa kwawo. 11Njengomsebenzi wombazi wamatshe f, njengokubazwa kwendandatho elophawu, uzawabaza amatshe womabili, ngamabizo amadodana kaIsrayeli, uwenze amiswe ezisekelweni zegolide ezitshiliweyo. 12Njalo uzabeka amatshe womabili ezichibini zamahlombe ze-efodi*, amatshe esikhumbuzo ebantwaneni bakoIsrayeli; loAroni uzathwala amabizo abo emahlombe akhe womabili phambi kweNkosi g, kube yisikhumbuzo h. 13Wenze lezisekelo ezitshiliweyo zegolide, 14lamaketane amabili egolide elicwengekileyo i, uwenze ukuthi abe njengamagoda, umsebenzi ophothiweyo, amaketane aphothiweyo uwabophele ezisekelweni ezitshiliweyo zegolide. 15Ubususenza isembatho sesifuba sokwahlulela j, kube ngumsebenzi wengcitshi k, uyenze njengomsebenzi we-efodi, ngegolide, okuluhlaza okwesibhakabhaka l, lokuyibubende, lokubomvu, langelembu elicolekileyo lentambo ephothiweyo uzasenza. 16Kasilingane inhlangothi zozine, siphindwe kabili, ubude baso bube yikwelulwa kweminwe, lobubanzi baso bube yikwelulwa kweminwe. 17Njalo uhlele kuso inhlelo zamatshe m, imizila emine yamatshe; umzila wesardiyusi*, itopazi* le-emeraldi*, umzila wokuqala. 18Lomzila wesibili ube lerubi*, isafire*, lendayimana n, 19lomzila wesithathu ube lejasinte*, i-agate*, le-ametiste*, 20lomzila wesine ube lebherule*, le-onikse*, lejaspi*; amatshe la azasekelwa ngegolide ezisekelweni zawo ezitshiliweyo. 21Lamatshe azakuba lamabizo amadodana kaIsrayeli, alitshumi lambili, lamabizo awo; njengokubazwa kwendandatho elophawu, yilelo lalelo lebizo lalo; azakuba ngawezizwe ezilitshumi lambili. 22Wenze-ke esembathweni sesifuba amaketane aphothiweyo omsebenzi wegoda egolide elicwengekileyo, 23wenze futhi phezu kwesembatho sesifuba amasongo amabili egolide, uwafake amasongo amabili emaceleni womabili esembatho sesifuba. 24Ufake amaketane amabili egolide aphothiweyo emasongweni amabili emaceleni esembatho sesifuba; 25kodwa izihloko zombili zamaketane womabili aphothiweyo uzifake ezisekelweni ezimbili ezitshiliweyo, uzibeke ezichibini ze-efodi, phambili kwayo kanye. 26Uzakwenza njalo amasongo amabili egolide, uwafake emaceleni womabili esembatho sesifuba, emphethweni waso ongaphakathi kwe-efodi. 27Wenze futhi amasongo amabili egolide, uwafake ezichibini ezimbili ze-efodi, ngaphansi ngaphambili kwaso, eduze kokuhlangana kwazo, phezu kwebhanti elelukwe ngobungcitshi le-efodi o. 28Bazabophela-ke isembatho sesifuba ngamasongo aso emasongweni e-efodi ngentambo eluhlaza okwesibhakabhaka, ukuze sibe phezu kwebhanti elelukwe ngobungcitshi p, njalo isembatho sesifuba singakhumuki e-efodini. 29Njalo uAroni uzathwala amabizo abantwana bakoIsrayeli q esembathweni sesifuba sokwahlulela phezu kwenhliziyo yakhe, nxa engena endaweni engcwele, kube yisikhumbuzo phambi kweNkosi njalonjalo. 30Uzafaka-ke esembathweni sesifuba sokwahlulela iUrimi leThumimi r, njalo kube phezu kwenhliziyo kaAroni, nxa engena phambi kweNkosi; ngakho uAroni uzakuthwala ukwahlulelwa kwabantwana bakoIsrayeli phezu kwenhliziyo yakhe phambi kweNkosi njalonjalo s. 31Uzakwenza ibhatshi lonke le-efodi ngokuluhlaza okwesibhakabhaka t; 32njalo sibe lesikhala sekhanda ngaphakathi kwaso, isikhala sibe lomphetho osizingelezeleyo, umsebenzi owelukiweyo, sibe njengesikhala sebhatshi lensimbi, ukuze singadabuki u. 33Lemiphethweni yaso wenze amapomegranati* ngokuluhlaza okwesibhakabhaka lokuyibubende lokubomvu, emiphethweni yaso osizingelezeleyo, lamabhera egolide phakathi kwawo asizingelezeleyo, 34ibhera legolide lepomegranati, ibhera legolide lepomegranati, emiphethweni yebhatshi kuzingelezele. 35UAroni kasembathele-ke ukukhonza, lokukhenceza kwaso kuzwakale lapho engena endaweni engcwele phambi kweNkosi, lalapho ephuma, ukuze angafi.
Copyright information for
Ndebele