‏ Psalms 40:6

6Umhlatshelo lomnikelo kawukufisi; izindlebe zami uzivulile; umnikelo wokutshiswa lomnikelo wesono kawuwubizi a.

‏ Ecclesiastes 5:1

1Gcina unyawo lwakho b nxa usiya endlini kaNkulunkulu c; sondelela ukulalela kulokunikela umhlatshelo wezithutha, ngoba kazazi ukuthi zenza okubi d.

‏ Isaiah 1:11

11Buyini kimi ubunengi bemihlatshelo yenu? itsho iNkosi e. Ngenelisiwe yiminikelo yokutshiswa yezinqama langamahwahwa okunonisiweyo; legazi lamajongosi lelamawundlu lelezimpongo kangithokozi ngalo.

‏ Isaiah 1:15

15Lalapho liselula izandla zenu f ngizalifihlela amehlo ami g; njalo nxa lisandisa umkhuleko kangiyikuzwa; izandla zenu zigcwele igazi h.

‏ Isaiah 61:8

8Ngoba mina Nkosi ngithanda isahlulelo i; ngizonda impango emhlatshelweni otshiswayo j; njalo ngizanika umvuzo wabo ngeqiniso k, ngenze labo isivumelwano esilaphakade l.

‏ Jeremiah 7:22

22Ngoba kangikhulumanga kuboyihlo, m njalo kangibalayanga ngosuku engabakhupha ngalo elizweni leGibhithe, mayelana lendaba zeminikelo yokutshiswa kumbe imihlatshelo. n

‏ Micah 6:7

7INkosi izathokoza yini ngezinkulungwane zezinqama o, ngezinkulungwane ezilitshumi zemifula yamafutha p? Ngizanikela izibulo lami yini ngenxa yesiphambeko sami, isithelo sesisu sami ngenxa yesono somphefumulo wami q?
Copyright information for Ndebele