a2 Lan 8:1-18
b6:37,38:7.1
c1 Lan 8:2
d5:13
e9:24; 2 Sam 5:9
fJosh 11:1
gHlu 5:19
hJosh 10:33
iJosh 16:10
j9:24, 3:1, 7:8, 11:1
kJosh 10:10
lJosh 19:44
mEks 1:11
n10:26; 2 Lan 1:14, 9:25
o4:26
pHlu 1:21,27,29, 3:1,3
qJosh 15:63, 17:12
r5:15; Hlu 1:28; 1 Lan 22:2
sEzra 2:55,58; Neh 7:57, 11:3; 2 Sam 12:31; 2 Lan 8:7,8; Gen 49:15
tLevi 25:39
u4:5
v2 Lan 8:10
w5:16
x9:16; 2 Lan 8:11
y7:8
z9:15
aaNani 33:35
abDute 2:8
ac10:11, 22:48; 1 Lan 29:4; Jobe 22:24, 28:16; Hlab 45:9; Isa 13:12; Gen 10:29; 1 Lan 1:23
ad2 Lan 8:18

‏ 1 Kings 9:10-28

Ezinye izenzo zikaSolomoni

10Kwasekusithi a ekupheleni kweminyaka engamatshumi amabili uSolomoni esakhile izindlu zombili, indlu kaJehova lendlu yenkosi b, 11(uHiramu inkosi yeTire wayemsekele uSolomoni ngezigodo zemisedari langezigodo zamafiri langegolide, njengesiloyiso sakhe sonke) ngalesosikhathi inkosi uSolomoni yamnika uHiramu imizi engamatshumi amabili elizweni leGalili. 12UHiramu wasephuma eTire ukubona imizi uSolomoni ayemnike yona, kodwa yayingalunganga emehlweni akhe. 13Wasesithi: Yimizi bani le onginike yona, mfowethu? Waseyibiza ngokuthi ilizwe leKabuli, kuze kube lamuhla c. 14UHiramu wayethumele enkosini amathalenta* alikhulu lamatshumi amabili egolide.

15Nantu-ke udaba lwezibhalwa inkosi uSolomoni eyazibuthela ukwakha indlu yeNkosi, lendlu yayo d, leMilo e, lomduli weJerusalema, leHazori f, leMegido g, leGezeri h: 16UFaro inkosi yeGibhithe wayenyukile wathumba iGezeri wayitshisa ngomlilo, wabulala amaKhanani ayehlala emzini i, wakhunga ngayo indodakazi yakhe, umkaSolomoni j. 17USolomoni wasesakha iGezeri, leBhethi-Horoni engaphansi k, 18leBahalathi l, leTamari enkangala elizweni, 19lemizi yonke yokugcinela impahla uSolomoni ayelayo m, lemizi n yezinqola o, lemizi yabagadi bamabhiza, lesiloyiso sikaSolomoni ayeloyisa ngaso ukwakha eJerusalema leLebhanoni lelizweni lonke lombuso wakhe. 20Bonke abantu ababesele kumaAmori, amaHethi, amaPerizi, amaHivi, lamaJebusi, ababengeyisibo babantwana bakoIsrayeli, 21abantwana babo ababesele emva kwabo elizweni p, abantwana bakoIsrayeli abangenelisanga ukubatshabalalisa q, uSolomoni wababutha izibhalwa r eziyizigqili, kuze kube lamuhla s. 22Kodwa ebantwaneni bakoIsrayeli uSolomoni kenzanga sigqili t, kodwa babengamadoda empi, lenceku zakhe, leziphathamandla zakhe, lezinduna zakhe, labaphathi bezinqola zakhe, labagadi bakhe bamabhiza. 23Laba babezinduna zabaphathi abaphezu komsebenzi kaSolomoni u, amakhulu amahlanu lamatshumi amahlanu v, ababebusa abantu ababesebenza emsebenzini w.

24Kodwa indodakazi kaFaro yenyuka iphuma emzini kaDavida x isiya endlini yayo ayeyakhele yona y. Ngalesosikhathi wakha iMilo z.

25Njalo kathathu ngomnyaka uSolomoni wanikela iminikelo yokutshiswa leminikelo yokuthula phezu kwelathi ayelakhele iNkosi, watshisa impepha kulelo elaliphambi kweNkosi. Waqeda njalo indlu.

26Inkosi uSolomoni yasisenza imikhumbi eEziyoni-Geberi aa eseElothi ab ekhunjini loLwandle oluBomvu elizweni leEdoma. 27UHiramu wasethuma emikhunjini inceku zakhe, amadoda emikhumbi, abazi ulwandle, kanye lenceku zikaSolomoni. 28Bafika eOfiri ac, bathatha khona igolide, amathalenta* angamakhulu amane lamatshumi amabili, baliletha enkosini uSolomoni ad.

Copyright information for Ndebele