Psa 95:7-11 | IboBIU | STEP | nʼihi na ọ bụ Chineke anyị anyị bụkwa ndị ọ na-azụ dịka atụrụ, igwe atụrụ ọ na-elekọta anya. Taa, ọ bụrụ na unu anụ olu ya,

‏ Psalms 95:7-11

7 nʼihi na ọ bụ Chineke anyị
anyị bụkwa ndị ọ na-azụ dịka atụrụ,
igwe atụrụ ọ na-elekọta anya.

Taa, ọ bụrụ na unu anụ olu ya,
8 “Unu emela ka obi unu sie ike dịka unu mere na Meriba,
maọbụ dịka unu mere nʼụbọchị ahụ na Masa nʼime ọzara,
9 ebe nna nna unu ha nwara m,
nʼagbanyeghị na ha hụrụ ihe niile m mere.
10 Iri afọ anọ ka m were iwe megide ọgbọ ahụ;
ekwuru m sị, ‘Ndị a bụ ndị obi ha na-akpafu akpafu site nʼebe m nọ,
ha amatabeghị ụzọ m niile.’
11 Nʼihi nke a, aṅụrụ m iyi nʼiwe, sị,
‘Ha agaghị abanye nʼizuike m ma ọlị.’ ”